MSANII HAITHAM KIM AFARIKI DUNIA

Mwimbaji wa Bongofleva, Haitham Kim, amefariki dunia hivi karibuni katika Hospitali ya Rufaa ya Temeke Jijini Dar es Salaam. Haitham Kim alikuwa kipenzi cha wengi katika tasnia ya muziki

Katika mahojiano na Bryson, mume wa marehemu, alieleza kuwa hali ya Haitham ilibadilika ghafla siku saba zilizopita. Awali, alianza kuwa na homa ya kawaida, lakini hali yake ilizorota hadi kufikia hatua ya kushindwa kupumua. Hali hii ilimlazimu kuwekwa kwenye mashine ya kumsaidia kupumua, na pia alilazimika kupatiwa sindano za gharama kubwa kila siku, zinazogharimu shilingi laki 7 kwa siku.

Kifo cha Haitham Kim kimeleta majonzi katika tasnia ya muziki na kwa mashabiki wake wengi. Familia, marafiki, na wapenzi wa muziki wanaomboleza kwa pamoja kumpoteza mwanamuziki huyo maarufu. Tunamuombea Haitham Kim apumzike kwa amani, na tunatoa pole kwa familia yake na wapenzi wa muziki walioguswa na msiba huu mkubwa.